काठमाडाैँ । ड्युक अफ एडिनबर्ग इन्टरनेशनल अवार्ड नेपालले प्रिन्सिपल मिट एण्ड ग्रीट कार्यक्रम सम्पन्न गरेको छ । चितवनको होटल सिराइचुलीमा आयोजित उक्त कार्यक्रममा शिक्षाविद्, प्रशासक र सरोकारवालाहरूको उपस्थिति रहेको थियो ।
युवाहरुको सर्वाङ्गीण विकासमा समर्पित संस्था ड्युक अफ एडिनबर्गको इन्टरनेशनल अवार्ड नेपालले चितवनका २४ वटा विद्यालयका ३८ जना प्रतिनिधित्वहरुसँग आफ्नो कार्यक्रमका बारे जानकारी गराएको थियो । सहभागीहरूले अवार्डका कार्यक्रममा सहभागी हुन रुची राख्दै पुरस्कारको प्रभाव र कार्यान्वयनको बारेमा छलफल गरेका थिए ।
कार्यक्रम अवधीमा ड्युक अफ एडिनबर्गको अन्तर्राष्ट्रिय अवार्ड नेपालका अध्यक्ष देवराज घिमिरेले सहजिकरण गरेका थिए । जसले सहभागीहरूलाई कार्यक्रमको उद्देश्य, विधि, र नेपाली सन्दर्भमा व्यावहारिक अनुप्रयोगहरूमा बहुमूल्य अन्तदृष्टि प्रदान गरेको थियो । सहभागीहरूले व्यक्तिगत विकास, नेतृत्व, र सामुदायिक सेवा सहित पुरस्कारका मूल सिद्धान्तहरू पत्ता लगाउने र यी तत्वहरूलाई उनीहरूको शैक्षिक संस्थाहरूमा कसरी एकीकृत गर्न सकिन्छ भनेर अन्वेषण गर्ने अवसर पाएको बताए ।
